Monday, January 3, 2011

Bago

Bagong kalendaryo, bagong laptop,
Bagong pedicure, bagong bag.
Bago ang lahat sayo, bago pati oras ng pagpasok.
Parang, dati lang.

Bagong taon, bagong buhay
Ika nga nila.
Ano na naman bang ipapangako
Mong tutuparin, magsisinungaling?

Hindi madaling magbago,
Wag ka na nga lang raw magbago
Sabi nga ng bespren ko,
Manatili kang gago, kung 'yan ang gusto mo.

"Hindi na ako male-late, di na magyoyosi,
Di na ko magmumura, di na ko kakain,
Di na ko gagastos, di na ko hihinga
Di na ko magsisinungaling, di na. Di na."

Sabi mo pinakamasayang taon ang 2010,
Eh, bakit ang dami mong ayaw nang gawin?
Kung nakasanayang mong magyosi, magmura,
Bakit ngayong taon, hindi na, kung noon pala'y sumaya ka?

'Wag ka nang magbago kung wala namang dahilan
Dahil hindi mo kaya, hindi mo talaga
Kayang magbago kung hindi ka masaya
Lalo na't kung napipilitan ka lang, para katulad ka nila.

Pano nga ba magbago? Hindi ba't kapag ang
Isang taong umiibig, gagawin ang lahat, hahamakin
Ang lahat, masunod lamang siya? Dati nama'y
Hindi sya ganun; pero nagbago siya.

Ika nga ng pari sa amin, sa sermon nya kagabi,
Umibig ka, ibigin mo Siya, tiyak magbabago ka.
Magiging masaya ka, tanggapin mo ang pag-ibig
Niya; pero ang pag-ibig ay aktibo, buhay, gumagalaw.

Hindi maaaring mahal ka Niya, at hindi mo Siya mamahalin.
Dahil kung ganun, walang pag-ibig, walang pagbabago.

3 comments:

  1. ganda nung part na

    Sabi mo pinakamasayang taon ang 2010,
    Eh, bakit ang dami mong ayaw nang gawin?

    totoong totoo e. :)

    ReplyDelete
  2. Totoo no? Hehe. :D Wah salamat Mark sa iyong pagdalaw! :D Happy New Year!!! :D

    ReplyDelete
  3. The Casino Directory | JtmHub
    The Casino Directory septcasino is www.jtmhub.com a complete directory for casino and sportsbook operators in Ireland and Portugal. Jtm's comprehensive directory provides you https://deccasino.com/review/merit-casino/ with more novcasino than https://septcasino.com/review/merit-casino/ 150

    ReplyDelete

May gusto ka bang sabihin?