Friday, November 4, 2011

Nanay


Ito na po ang aking tulang ipinangako
Ngayong inyong kaarawan,
Sana'y makarating sa inyo.


Simula't sapul
Ikaw lamang ang
Kinagisnang 'nanay'
Naming iyong mga apo

Tuwing kami'y bibisita
Noong kami'y mga bata pa
Sulit ang punta
Ilang oras na biyahe'y di inda

Masasarap na ulam
Menudong katam-takam
Ating pinagsasaluhan
Di malilimutan

Mga ala-ala sa Dasmarinas, Cavite
O sa inyong mga pagbisita dito sa Paranaque
Aming hinahanap-hanap
Dahil palaging may pasalubong

Sa inyong kaarawan
Isa lamang ang tanging asam
Na kayo'y makita't mabisitang muli
Sana ay mapadali

Upang maakap at mahalikan
Ang pinakamamahal naming nanay
Na kahit malayo'y
Pinagdarasal, pinagmamalaki ang kanyang mga apo't supling.

Maligayang kaarawan, Nanay Yoly!
Hangad po nami'y makita kang muli! :)

No comments:

Post a Comment

May gusto ka bang sabihin?